మఖానా సాగుతో రైతుకు తక్కువ పెట్టుబడి…అధిక లాభం !!
క్యాపిటల్ వాయిస్, వ్యవసాయ సమాచారం :- తక్కువ పెట్టుబడితో అధిక దిగుబడి సాధించగలిగే మఖానా( తామర పూలు విత్తనాలు) పంట సాగు ద్వారా రైతులు
ఆర్థికాభివృద్ధి సాధించవచ్చని వ్యవసాయ నిపుణులు తెలిపారు. తెలంగాణ లోని కనగల్ గ్రామ సమీపంలోని కుంభం నర్సిరెడ్డి వ్యవసాయ క్షేత్రంలో ఈ పంటను
సాగు చేస్తున్నట్లు వారు తెలిపారు.మఖానా సాగు చేసి లక్షల్లో సంపాదిస్తున్నారు కొందరు రైతులు. మార్కెట్లో మఖానాకు చాలా డిమాండ్ ఉంది. ఇది ప్రతి సీజన్లో వినియోగిస్తారు. నగరం, గ్రామంలో ప్రతి చోటా దీన్ని వాడుతారు. ముఖ్యంగా బీహార్లోని కొన్ని జిల్లాల్లో మఖానా సాగు ఎక్కువగా జరుగుతుంది. మీరు బీహార్లో నివసించి సాగు చేస్తే మీకు ప్రభుత్వం నుండి సబ్సిడీ కూడా లభిస్తుంది.హెక్టారు భూమిలో మఖానా సాగు చేస్తే సగటున 97 వేల రూపాయలు ఖర్చు అవుతుంది. మరోవైపు మీరు బీహార్ వాసి అయితే మీరు ఈ వ్యవసాయాన్ని ప్రారంభించినప్పుడు ప్రభుత్వం నుండి సబ్సిడీని కూడా పొందుతారు. మఖానా సాగుకు విత్తనాలు కొనుగోలు చేయాలనే ఆందోళన కూడా ఉండదు. మీరు మునుపటి పంట నుండి విత్తనాలను సులభంగా పొందవచ్చు. ఈ వ్యవసాయంలో మీ డబ్బులో ఎక్కువ భాగం కూలీకి ఖర్చు అవుతుంది. ఈ పంటను పండించడంలో శ్రమ, సంరక్షణ రెండూ అవసరం.
సాగు విధానం :- మఖానా సాగుకు 2.5 నుంచి 3 అడుగుల మేర నీరు అవసరం అవుతుంది. ఎందుకంటే తామర మొక్క మూడు అడుగులు పెరుగుతుంది. ఎకరానికి 10
కిలోల విత్తనాలు కావాలి. నారుమడిలో పెంచిన మొక్కలను 3 నెలల తర్వాత మూడు ఆకుల స్థితిలో ఎకరానికి 4 వేల చొప్పున మీటరు పొడవు, వెడల్పు ఉండేలా నాటు
కోవాలి. నారుమడితో కలుపుకుని 8 నెలల కాల వ్యవధిలో పంట చేతికి వస్తుంది.ఒక తామర కాయలో 80 నుంచి 100 గింజలు వరకు ఉత్పత్తి అవుతాయి. ఇలా మొత్తంగా
30 నుండి 32 క్వింటాళ్ల దిగుబడి చేతికొస్తుంది.తామర గింజలను పండించి ఎండబెట్టి, వేయించి మఖానాగా తయారు చేస్తారు. దేశంలో బిహార్,పశ్చిమబెంగాల్, అస్సాం, మణిపూర్, త్రిపుర, మధ్యప్రదేశ్, ఉత్తరప్రదేశ్,రాజస్థాన్ తదితర రాష్ట్రాల్లో రైతులు దీనిని ప్రత్యేకంగా సాగు చేస్తున్నారు. ఇటీవల తెలంగాణ రాష్ట్రం లోనూ ప్రధానంగా నల్గొండలో రైతులు ప్రయోగాత్మకంగా తామరగింజల సాగును చేపట్టారు.ఈ వాణిజ్యపరంగా ముఖ్యమైన జలచర, ముళ్ళ నీటి మొక్క 1-2 మీటర్ల పరిమాణంలో తేలియాడే స్వభావం గల భారీ ఆకులను కలిగి ఉంటుంది, ఈ ఆకులు 3-5 అడుగుల పొడవైన పెటియోల్స్పై ఏర్పడతాయి, పైభాగంలో ఆకుపచ్చ రంగు, దిగువ భాగంలో ఊదా రంగు ఉంటాయి. ఈ మొక్క 0.2-2 మీటర్ల లోతుతో, మందపాటి రైజోమాటస్ కాండంతో, అవక్షేపంలో గుత్తులుగా లోతుగా పాతుకుపోయిన నిశ్చల శాశ్వత నీటి వనరులలో (వివిధ చెరువులు, భూమి లోయలు, ఆక్స్బౌ సరస్సులు, చిత్తడి నేలలు, గుంటలతో సహా) బాగా వృద్ధి చెందుతుంది.
ముఖానా ఆరోగ్యానికి ఔషధంలా పని చేస్తుంది: వీటిలో కేలరీలు చాలా తక్కువ.ఫైబర్ ఎక్కువగా దొరుకుతుంది. కాబట్టి కిడ్నీలకు, గుండెకు చాలా మంచిది.శారీరక బలహీనతలు తొలగించి కొద్ది రోజుల్లోనే శరీరానికి బలాన్ని సమకూరుస్తుంది. క్యాల్షియం లోనూ తక్కువేం కాదు. ప్రతి 100 గ్రాముల మఖానాలో 350 కేలరీలు మాత్రమే ఉంటాయి. అంతేకాకుండా 9.7శాతం ప్రొటీన్లు, 76 శాతం కార్బొహైడ్రేట్లు, 12.8శాతం తేమ, 0.1 శాతం ఆరోగ్యకరమైన కొవ్వు,0.5శాతం సోడియం, 0.9శాతం ఫాస్పరస్, 1.4మిల్లీ గ్రాముల ఐరన్, కాల్షియం,యాసిడ్, విటమిన్-వి లు పెద్ద మొత్తంలో దొరుకుతాయి. మఖానాను ఫూల్ మఖానా, తామర గింజలు, ఫాక్స్ నట్స్ అని కూడా పిలుస్తారు.మఖానా పంట సాగుకు ఎకరానికి 60 నుంచి 70 వేల రూపాయలు ఖర్చు పెడితే సుమారు 2 నుంచి 3 లక్షల ఆదాయం వస్తోందని, ఖర్చులు అన్ని పోనూ సుమారు 2 లక్షల వరకు మిగులుతుందని, మఖానా పంటకు మార్కెట్లో మంచి డిమాండ్ ఉందని వ్యవసాయ నిపుణులు చెప్తున్నారు.
